Dum Dum Girls
| Dum Dum Girls | |
|---|---|
 | |
| Orixe | Os Ánxeles, California,  |
| Período | 2008 - presente |
| Xénero(s) | indie pop, noise pop, lo-fi, punk rock |
| Selo(s) discográfico(s) | HoZac, Sub Pop |
| Membros | Dee Dee Jules Sandy Malia |
| Antigos membros | Bambi Frankie Rose Brandon Welchez Mike Sniper Charles Rowell |
| Na rede | |
| wearedumdumgirls.com | |
         | |
Dum Dum Girls é unha banda estadounidense de noise pop/dream pop procedente dos Ánxeles e formada no ano 2008. O seu nome procede do álbum de The Vaselines Dum Dum e da canción de Iggy Pop "Dum Dum Boys". É o proxecto da cantante e compositora Dee Dee, residente en Nova York, mentres que o resto das compoñentes residen en Los Angeles.
Despois de editar varios sinxelos e EPs, Dum Dum Girls publicaron o seu primeiro álbum, I Will Be, no ano 2010 con boas críticas. O seu segundo traballo, Only in Dreams, foi lanzado en setembro do 2011.
Traxectoria
[editar | editar a fonte]A primeira edición de Dee Dee co nome de Dum Dum Girls foi un CDr de cinco temas a través do seu propio selo, Zoo Music, a finais de 2008. Foi seguido por un EP a través de Captured Tracks e un 7" por HoZac. Dee Dee conseguiu rapidamente chamar a atención con esas tres edicións e asinou con Sub Pop en xullo de 2009.
O seu álbum de estrea, I Will Be, foi publicado en marzo de 2010 sendo ben recibido pola crítica. Penny produciu o disco con Richard Gottehrer, que anteriormente traballara con Richard Hell, Blondie, The Go-Gos e The Raveonettes. Gottehrer tamén co-compuxera os éxitos de principios dos 60 "My Boyfriend’s Back" e "I Want Candy". No álbum incluíase como guitarrista convidado a Nick Zinner de Yeah Yeah Yeahs en "Yours Alone", ao marido de Dee Dee Brandon Welchez, da banda Crocodiles en "Blank Girl", e a Andrew Miller en varios temas. A portada do disco é unha foto da nai de Penny nos seus tempos de universitaria, a cal morreu de cancro en 2010. Tras o seu lanzamento montou unha banda de xira e os seus primeiros concertos foron como abreconcertos de Girls.
En 2011 a banda publicou o EP He Gets Me High, que incluía unha versión do tema "There Is a Light That Never Goes Out" de The Smiths. Esta gravación marcou a inclusión de Sune Rose Wagner de The Raveonettes ao equipo de produción, que Dee Dee mantivera intacto.
O segundo álbum, Only in Dreams, foi editado en setembro de 2011, contando cos sinxelos "Coming Down" e "Bedroom Eyes", este último interpretado pola banda no programa Late Night with Jimmy Fallon.[1] Este traballo foi a única gravación de Dum Dum Girls en contar cunha banda completa.
No mes de setembro de 2012 publicouse o EP End of Daze, precedido polo sinxelo "Lord Knows" aparecido a finais de xullo e elixido por Pitchfork como "Mellor canción nova". O EP tamén recibiría o premio á "Mellor música nova" da mesma publicación.[2]
O 31 de outubro de 2013 Dum Dum Girls anunciou o seu terceiro álbum, Too True, que sería publicado a finais de xaneiro de 2014, e contaba co sinxelo "Lost Boys & Girls Club", cuxo vídeo estreou H&M o 31 de outubro de 2013. Para este álbum, Dee Dee citou a Suede, Siouxsie and the Banshees, Madonna e The Stone Roses como as súas influencias.[3]
O sinxelo da banda "Coming Down" usouse para un trailer promocional[4] e aparece nos créditos finais da película de 2013 The Canyons, escrita por Bret Easton Ellis e dirixida por Paul Schrader (Ellis posteriormente faría un guión dunha curtamentraxe, Are You Okay, para o sinxelo "Are You Okay?" de Too True).[5] "Coming Down" tamén foi usada no sexto episodio da tempada 5 de Crónicas vampíricas, ademais de no terceiro capítulo da 3ª tempada de Orange Is the New Black, "Empathy Is a Boner Killer" (2015).
O 5 de decembro de 2014, Converse editou un sinxelo compartido de Dum Dum Girls, "On Christmas", como a terceira parte de tres entregas dixitais do EP recompiltorio da compañía Noise to the World 2.[6]
Discografía
[editar | editar a fonte]Álbums de estudio
[editar | editar a fonte]| Álbum | Ano | Selo |
|---|---|---|
| I Will Be | 2010 | HoZac |
| Only in Dreams | 2011 | Sub Pop |
| Too True | 2014 | Sub Pop |
EPs
[editar | editar a fonte]- Dum Dum Girls - 2008 (Zoo Music)
- Dum Dum Girls - 2009 (Captured Tracks)
- He Gets Me High - 2011 (Sub Pop)
- End of Daze - 2012 (Sub Pop)
Notas
[editar | editar a fonte]- ↑ Pitchfork (ed.). "Watch Dum Dum Girls on "Fallon"". Consultado o 2 de abril de 2016.
- ↑ Pitchfork Media (ed.). "End of Daze EP en Pitchfork". Consultado o 2 de abril de 2016.
- ↑ Consequence of Sound (ed.). "Dum Dum Girls announce new album, Too True, stream “Lost Boys and Girls Club”". Consultado o 5 de abril de 2016.
- ↑ YouTube (ed.). "Trailer : The Canyons Teaser". Consultado o 5 de abril de 2016.
- ↑ YouTube (ed.). "Dum Dum Girls - "Are You Okay"". Consultado o 5 de abril de 2016.
- ↑ Converse (ed.). "Converse rings in the holiday with ‘Noise to the World’". Arquivado dende o orixinal o 06 de febreiro de 2015. Consultado o 5 de abril de 2016.
Véxase tamén
[editar | editar a fonte]Ligazóns externas
[editar | editar a fonte]- Páxina oficial da banda Arquivado 30 de xuño de 2012 en Wayback Machine.
